Teresa Romero chega a un acordo coa médica de familia tras recoñecer que mentiu

Teresa Romero tras chegar a un acordo coa médica de familia

Teresa Romero e a médica que a atendeu nun centro de saúde chegaron este mércores a un acordo despois de que a auxiliar de enfermaría de orixe galega recoñeza que non a informou acerca de que estivo en contacto cos misioneiros falecidos a causa do ébola.

Así o recoñeceu durante o acto de conciliación previo á interposición dunha demanda que pretendía presentar a doutora contra Romero por calumnias e aldraxes.

En concreto, trátase da doutora de Atención Primaria que atendeu a Romero o pasado 2 de outubro no centro de saúde Pedro Laín Entralgo de Alcorcón.

A médica nega que Teresa Romero acudise ao centro seis días antes de ser ingresada, xa que o fixo catro días antes de entrar no Hospital Carlos III.