publicidade hoxe

O alcalde de Becerreá anuncia a intención de converter a Teresa Romero en filla predilecta da localidade

PUBLICADO EN: Noticias de GaliciaBecerreáLocal PortadaPortada dereita
A-
A+
Europa Press

O alcalde de Becerreá (Lugo), o socialista Manuel Martínez, anunciou este mércores que lle transmitirá á auxiliar que venceu ao ébola, Teresa Romero, as intencións da corporación da localidade na que reside a súa nai de nomeala filla predilecta.

Tras superar a enfermidade, Martínez sinalou que os veciños “están felices e orgullosos de que estea en fase de recuperación” e esperan “unha visita á localidade” onde reside a nai.

“Hai que felicitar a Teresa pola súa coraxe, pola súa entrega e valentía, despois da chapuza e incompetencia dos responsables de sanidade, que tentaron converter a unha vítima en culpable e que son incapaces de asumir os erros que cometeron”, sinalou.

Ademais, o rexedor insiste en destacar que a “actitude” da auxiliar de enfermaría é “encomiable” e confesa sentirse “orgulloso” dela, “de como levou a enfermidade e da solidariedade que demostrou e demostra agora dicindo que está disposta a doar sangue”.

“O Concello de Becerreá, se ela o quere e o admite, está disposto a nomeala filla predilecta. Hoxe os veciños están orgullosos da identificación de Teresa con Becerreá, pola súa coraxe, entrega, sacrificio e valentía”, concluíu.

22 de outubro de 2014 | 16:35 • Sen comentarios

Comentarios pechados.