A xestión das demoras do hospital do Salnés manteñen unha dinámica de mellora asistencial integrada para toda a comarca

Os novos datos de actividade asistencial de 2014 feitos públicos polo Servizo Galego de Saúde revelan que a xestión das demoras do Hospital do Salnés no primeiro trimestre deste ano lle manteñen nunha dinámica de mellora asistencial integrada para toda a comarca arousá.

Deste xeito, a planificación sanitaria plantexada polo Servizo Galego de Saúde no Hospital arousán, xunto coa alta profesionalidade e adicación de todo o persoal e a xestión dos primeiros meses do presente ano, facilitan que o centro sanitario de Ande-Rubiáns se manteña destacado dentro dos obxectivos asistenciais que da Consellería de Sanidade.

Así, a data de hoxe, a espera media cirúrxica para pacientes en Prioridade 1 continúa a estar por baixo dos 10 días e lle manteñen dentro do compromiso do Sergas de atender aos pacientes máis graves -con patoloxías de Prioridade 1– en menos de 30 días. Así mesmo, a espera media cirúrxica global no Hospital do Salnés atópase no primeiro trimestre de 2014 nos 36,7 días.

Actividade de consultas

Os novos datos de actividade asistencial revelan que o Hospital arousán atendeu neste primeiro trimestre do ano 22.139 consultas de patoloxía e saúde, cunha demora media en primeiras consultas de 33 días e unha demora media de primeiras consultas preferentes de 20 días.

No primeiro trimestre de 2014, o centro sanitario de Ande-Rubiáns atendeu 9.291 urxencias -236 máis que en 2013, cando se atenderon entre xaneiro e marzo 9.055-; cunha media de 103 asistencias deste tipo ao día.

Máis intervencións cirúrxicas

Os novos datos de actividade tamén revelan que nos primeiros meses do ano realizáronse un total de 1.348 intervencións cirúrxicas, das que 233 foron urxentes e 1.115 programadas. Esta actividade cirúrxica incrementou en 45 intervencións as 1.303 efectuadas no primeiro trimestre do pasado ano 2013.

No que atinxe ás intervencións ambulatorias -sen necesidade de ingreso- o Hospital do Salnés efectuou un total de 1.002, entre as cirurxías de tipo menor e as cirurxías maiores ambulatorias. Esta cifra incrementa en 101 operacións as 901 efectuadas entre xaneiro e marzo do pasado ano. Deste xeito, incrementouse a porcentaxe de intervencións ambulatorias, que entre xaneiro en marzo de 2013 era do 69,15% e agora é dun 74,33%.

Así mesmo, o centro sanitario de Ande-Rubiáns asumiu no primeiro trimestre 1.261 ingresos -47 menos que os atendidos no mesmo período de 2013-, á vez que aumentou levemente a estadía media dos pacientes, que pasa aos 5,6 días cando en 2013 era de 5,1.

Incremento do rendemento cirúrxico do Hospital

O rendemento dos quirófanos do Hospital do Salnés potencia a súa actividade en xornada ordinaria ata acadar o 77,6 por cento, incrementando en mais dun punto porcentual a cifra de utilización dos mesmos no primeiro trimestre do pasado ano 2013, que era entón dun 76,2% de utilización.