A Deputación de Pontevedra convoca a contratación de 11 obras por un importe de 1,3 millóns de euros

A Deputación de Pontevedra convocou hoxe o procedemento aberto para a contratación de 11 obras correspondentes ó Plan de obras e servizos por un importe total de 1.315.9599 euros, cun prazo para que as empresas presenten as súas ofertas que oscila entre os 26 e os 15 naturais contados a partir de hoxe.

No prazo de 26 días as empresas poderán optar á realización das seguintes obras:

Pavimentación de camiños en Caldas de Reis, por un importe de 174.633 euros e cun prazo de execución de 2 meses.
Melloras en vías de Lalín de Arriba, Sante e Horta-Sello, en Lalín, por 186.000 € e con 2 meses de prazo.
Parque infantil na Xunqueira, fase 2ª, en Vilagarcía de Arousa, por 63.605 € e con 2 meses de prazo.
Pavimentación e dotación de servizos no camiño de Tarrío, en Poio, por 75.245 € e con 3 meses.
Acondicionamento do salón de actos da nova Casa Consistorial de Catoira por 79.609 € e con 6 meses de prazo.
Urbanización, beirarrúas e aparcadoiro na rúa Diego Sarmiento de Acuña, en Gondomar, por 269.995 € e con 6 meses de prazo.
Peonalización parcial da rúa Castelao, en Nigrán, por 218.456 € e con 4 meses de prazo.

No prazo de 15 días, as firmas interesadas poderán presentar as súas propostas para a execución dos seguintes traballos:

Parque infantil na alameda de Chapela, en Redondela, por 110.866 € e con 45 días de prazo
Parques infantís en Soutoxuste e no centro cultural de Cidadelle, en Redondela, por 23.564 € e con 30 días de prazo.
Ampliación do parque infantil do peirao, en Soutomaior, por 58.326 € e con 90 días de prazo.
Instalación de pista de madeira no pavillón de Sequelo, en Marín, por 55.660 € e cun prazo máximo de 1 mes.