Enviar a un amigo
Opinar
ImprimirO ORAL atendeu ao longo do ano 2013 preto de 100.000 consultas de cidadáns
O ORAL atendeu preto de 100.000 consultas de contribuíntes ó longo do 2013. Nas 25 oficinas e unidades de xestión que posúe en diferentes puntos da provincia, o servizo de xestión tributaria da Deputación de Pontevedra recibiu un total de 90.943 consultas de veciños e veciñas dos 52 concellos que teñen delegada a xestión de taxas e impostos neste órgano.
O Centro de Atención ó Contribuínte foi o que maior número de consultas recibiu, cun total de 14.745, seguido da oficina periférica do Porriño, na que se realizaron máis de 10.048 asistencias.
As oficinas periféricas realizaron un relevante servizo de asesoramento e xestión en diferentes trámites xa que foi nelas nas que se concentrou o groso das consultas.
Así, ademais da do Porriño, en Ponteareas atendéronse 8.927 consultas, en Cangas 8.312, en Tui 7.979, na Cañiza 170, en Lalín 7.407; na Estrada 4.719; en Caldas de Reis 6.959; en Sanxenxo 3.865, en Cambados 3.118 e en Vilanova de Arousa 3.869. A estas hai que lles engadir as 1.128 asistencias realizadas na oficina auxiliar do Rosal, as 141 da auxiliar de Ponte Caldelas e as 70 da de Tomiño.
En total 66.711 consultas atendidas nas oficinas que o ORAL ten distribuídas polas diferentes comarcas co obxectivo de lle achegar a Administración ó cidadán e facilitarlle a realización de trámites cos menos desprazamentos posibles.
Servizo de Recadación
A maiores do groso das consultas, concentrado no Centro de Atención ó Contribuínte (con sede en Pontevedra) e nas oficinas periféricas, o Servizo de Recadación foi outro dos que recibiu un relevante número de consultas, atendendo ó longo de 2013 un total de 4.305; seguido do Servizo de Xestión Catastral e Tributaria do IBI, que atendeu 1.973 consultas.
Pola súa banda as unidades de xestión recibiron un menor número de consultas, sendo a de de multas a que máis asistencias realizou, con 135. Seguíronlle a de Xestión Urbana (68); de Taxas (63), de Vehículos (37); de Recadación (29) e o Servizo Xurídico (21).
