publicidade hoxe
Publicidade
omeulibro1

Máis de 40 efectivos buscan aos desaparecidos en Valdoviño

PUBLICADO EN: Noticias de GaliciaLocalPortada dereitaSucesosValdoviño
A-
A+
Europa Press
A climatoloxía dificulta o rastrexo

A climatoloxía dificulta o rastrexo

Máis de 40 efectivos de seis agrupacións de Protección Civil, xunto a outros corpos, rastrexan este sábado as praias da zona de Valdoviño (A Coruña) para buscar as dúas persoas desparecidas, un home e a súa filla, o pasado 6 de xaneiro, día de Reis.

   Segundo informaron fontes de Protección de Civil de Valdoviño, colaboran con eles cinco agrupacións máis dos municipios próximos coruñeses de Ferrol, Narón, Neda, Fene e Mugardos, formando un grupo de 42 voluntarios.

   A estes súmanse no operativo deste sábado Bombeiros de Ferrol, segundo confirmaron fontes deste corpo, ademais de efectivos da Policía Local e da Guardia Civil.

   Non obstante, Protección Civil recalcou que as malas condicións meteorolóxicas na zona dificultan o rastrexo, que unicamente se leva a cabo por terra, por estar “o mar bravo” e haber escasa visibilidade na zona de acantilados, polo que se centran nas praias.

   Tras intensificar o rastrexo este sábado, as mesmas fontes puntualizaron que a partir desta xornada en días sucesivos se limitarán a realizar “pasadas” polas praias a agrupación de Valdoviño. De feito, Salvamento Marítimo indicara que aproveitaría tamén o movemento de medios en exercicios na zona para rastrexos selectivos, que tamén se producirán en caso de recibir alerta dalgún avistamento na área.

FEITOS

   Tras ser arrastradas polo mar catro persoas o día de Reis, sobre a 1,30 horas do martes 7 de xaneiro foi localizado na praia de Valdoviño o corpo do varón Rodrigo Pena, de 67 anos, unha das tres persoas desaparecidas esa xornada na zona do Faro de Meirás.

   Os outros dous desaparecidos son o seu cuñado Juan Bedoya, de 55 anos de idade, e a súa filla, Patricia, de 25 anos. Todos eles se achegaran ao lugar no que días antes botaran as cinzas dun familiar falecido.

   A cuarta integrante do grupo, filla de Pena, logrou agarrarse a unhas rochas e puido salvarse, aínda que tivo que recibir atención médica polas contusións que sufriu.

18 de xaneiro de 2014 | 12:43 • Sen comentarios

Comentarios pechados.