publicidade hoxe
Publicidade
omeulibro1

Arde nas Pontes un almacén de madeiras posiblemente provocado por algún elemento mecánico

PUBLICADO EN: Noticias de GaliciaAs PontesPortada dereitaSucesos
A-
A+
Europa Press

Efectivos de emerxencias foron mobilizados na mañá deste martes para sufocar un incendio que queimou un almacén dunha empresa de madeiras no municipio das Pontes de García Rodríguez (A Coruña).

Segundo os datos facilitados polo 112, o lume declarouse sobre as 6.30 horas nunha fábrica de madeiras nas Pontes situada no Polígono de Penapurreira, polo que foron mobilizados bombeiros das Pontes, Ferrol e Betanzos, así como a Garda Civil e efectivos de Protección Civil.

Así mesmo, deuse aviso a Augas de Galicia, organismo dependente da Consellería de Medio Ambiente, segundo precisou o servizo de emerxencias.

A nave afectada pertence á empresa Biomasa Forestal, que produce pallet -madeira triturada e prensada- do Grupo Gestán. Fontes da mesma indicaron que o lume se localizou nun almacén onde acumulan labras para a súa compactación.

As mesmas fontes indicaron que o incendio afectou a unha zona onde había unhas 20 toneladas de labras e sobre as 8.00 horas o incendio estaba controlado. Ademais, apuntaron que puido ser causado por algún elemento mecánico.

21 de xaneiro de 2014 | 10:17 • Sen comentarios

Comentarios pechados.