A empresa de castañas Alibós gaña o Premio Aresa de Desenvolvemento Rural

wdfb_published_on_fb:1
wdfb_scheduled_publish:a:0:{}
wdfb_og_images:a:1:{i:0;s:0:"";}
wdfb_og_custom_name:a:1:{i:0;s:0:"";}
wdfb_og_custom_value:a:1:{i:0;s:0:"";}

A-

A+

Europa Press

Fallo do xurado

A empresa monterrosina Alibós foi galardoada co décimo cuarto Premio Aresa de Desenvolvemento Rural, que outorga a empresa Aresa en colaboración coa Universidade de Santiago de Compostela (USC).

O reitor da Universidade de Santiago, Juan Casares Long, anunciou este xoves o fallo do xurado nunha rolda de prensa de Lugo, na que destacou que Alibós é unha empresa que se caracteriza por pór en valor un produto autóctono.

A firma monterrosina, que produce castañas en 200 hectáreas e exporta o noventa por cento da súa produción, verá recoñecidos os seus esforzos cunha placa conmemorativa e un premio económico de 10.000 euros. O acto de entrega celebrarase o 31 de xaneiro na Facultade de Veterinaria.

Alibós “promove a produción de plantas autóctonas e xera un aproveitamento indirecto de porcos alimentados de castañas”, segundo explicou Casares Long.

A compañía Alibós impúxose a outro seis proxectos empresariais de desenvolvemento rural nesta edición do Premio Aresa.

2 de xaneiro de 2014 | 16:46 • Sen comentarios

Outras novas do día

Comentarios pechados.