60 adegueiros da D.O. Rías Baixas fórmanse nas novidades do artigo 50 do regulamento dos impostos especiais

O Pazo de Mugartegui acolle hoxe e mañá en sesión de tarde, de 17h  a 20 h., un curso sobre a modificación do artigo 50 do Regulamento dos Impostos especiais sobre o viño. Sesenta profesionais participan nesta actividade na que os directivos, contables, responsables e profesionais das adegas desta denominación poderanse ao día de todas as modificacións do artigo 50 do regulamento dos impostos especiais, que entrou en vigor o 1 de xaneiro deste ano. Este curso ensinaralles a cumprimentar os libros de contabilidade informatizada e de rexistro de documentos a partir da modificación, tamén lle mostrará modelos de libros acordes coa lei e, aclararalles conceptos. A interventora de II.EE na Delegación Delegación Especial de Galicia (sede de Pontevedra) da A.E.A.T., Isabel Figueiras, será a encargada de impartir estas dúas xornadas nas que lles falará do control de actividades e locais, onde lles explicará os réximes de intervención e controis contable, de infraccións e sancións, así como de procedemento de destrución e envíos de bagazo. Seguidamente tratará a modificación do Regulamento dos Impostos Especiais cos modelos de libros regulamentarios para as adegas elaboradas e as declaracións a presentar. O curso terminará cun repaso ao sistema de control de movementos dos impostos especiais.

A entrada en vigor deste cambio na normativa obriga a todas as adegas cun volume superior a 100.000 litros deberán adaptar a súa contabilidade a unha informatizada, de acordo coa normativa de impostos especiais. Así mesmo, aquelas adegas que elaboran volumes inferiores a 100.000 litros, a norma permítelles levar a contabilidade de existencias de forma manual nos libros da Consellería, pero ademais, deben cubrir o libro-rexistro de documentos de circulación expedidos (art. 50.5 RIE).