Limpeza e acondicionamento de diversas estradas da área de Pontevedra

A Deputación de Pontevedra acometeu esta semana obras de limpeza e acondicionamento da contorna de varias vías da zona de Pontevedra.

En concreto a deputada Ana Isabel Vázquez acompañou ás brigadas de persoal e maquinaria do Departamento de Vías e Obras nos traballos de limpeza de maleza e cunetas das vías de Tombo-Salgueiral (Pontevedra), da estrada Bértola-Tomeza-Figueirido (Pontevedra) e da estrada Figueirido-Marín, no Concello de Marín.

A finalidade destas tarefas, similares a outras que se están acometendo en diversas estradas ó longo da provincia, é axeitar os tramos viarios de cara ó inverno, ademais da habitual labor de mantemento das vías de titularidade provincial.