Os 20 mellores alimentos
Dra. en Farmacia |
NutriCoach: espazo de reflexión sobre os efectos dunha dieta sá e equilibrada na mellora da saúde e a vitalidade. Envíanos as túas consultas e a nosa especialista en nutrición, Amil López, axudarate. Poderás consultar nesta mesma sección as respostas á túa pregunta. Os datos persoais que nos facilites permanecerán ocultos, empregándoos unicamente de xeito interno. |
PROTEINA
1.Salmón: Unha fonte excelente de graxas que che axudan a reducir as enfermidades cardíacas e apoian o sistema inmune, é tamén fonte primordial de vitamina B12.
2.Venado: Como estes animais aliméntanse de herba natural, o venado é magro; de feito, contén de 2 a 3 veces menos graxa que algunhas carnes.
3.Carne magra de Tenreira: Unha fonte excelente de proteínas, niacina, vitamina B12 e zinc (que axuda ao sistema inmune). Tamén contén ferro. Os cortes magros conteñen menos graxa saturada e colesterol.
4.Ovos enteiros e claras: A súa proteína ofrece un equilibrio de todos os aminoácidos esenciais para o crecemento muscular.
CEREAIS E SEMENTES
5.Bulgúr: Está feito a partir de sementes de trigo integral.
6.Xerme de Trigo: Pode engadirse á fariña refinada para potenciar o valor nutritivo de moitos alimentos cociñados.
7.Avena/Salvado: Trátase dunha fonte excelente de fibra, cuxa parte soluble reduce as lipoproteínas de baixa densidade (LDL ou colesterol malo), diminuíndo o risco de enfermidades cardíacas. O magnesio da avena favorece a relaxación muscular, un sono reparador e resulta necesario para as reaccións corporais dependentes de enerxía.
LEGUMES
8.Soia: Un dos poucos vexetais considerados como proteínas case completas. Os fitoestróxenos melloran os síntomas da menopausia e as súas flavonoides, son antioxidantes.
9.Lentellas: Unha fonte excelente de fibra, ácido fólico e potasio, así como de ferro e outros minerais.
FROITAS E VERDURAS
10.Brócolis: Axuda á eliminación de toxinas. O sulforofanoreduce o risco de tumores.
11.Pementos vermellos: proporcionan luteína, beta caroteno e vitamina C. Reducen o risco de dexeneración macular e son moi antioxidantes.
12.Cebolas: conteñen dialil sulfito, un fitoquímico antioxidante. As cebolas amarelas e vermellas posúen quercetina que inhibe a oxidación das lipoproteínas de baixa densidade (o colesterol malo).
13.Espárragos: conteñen acedo fólico, carotenoides e saponinas que tamén son antioxidantes.
14.Tomates: ricos en licopenos, beta caroteno e vitamina C. O licopeno duplica a forza de actividade antioxidantes do beta caroteno e estabiliza os radicais.
15.Melón: Contén beta caroteno, marabilloso antioxidante.
16.Coles Verdes: Excelente fonte de beta caroteno e vitamina C. Posúen moitos fitoquímicos que preveñen o cancro, a luteína e zeaxantina para impedir a dexeneración macular, así como calcio e fibra.
17.Cenorias: resulta difícil atopar outra fonte máis versátil, dispoñible, barata e saborosa de beta caroteno, un antioxidante que estabiliza os radicais libres.
18.Fresas: Unha maneira saborosa de tomar vitamina C,quercetina,ácedo elágico e antocianina, que nos protexen de enfermidades cardíacas e do envellecemento prematuro.
FROITOS SECOS E SEMENTES
19.Abelás: conteñen omega-3 e 6,graxas poliinsaturadas que axudan a reducir a inflamación, á vez que potencian o sistema inmune.
20.Sementes de Liño: aportan omega 3 e lignanos, unha fibra insoluble. Fortalecen o sistema inmune, reducen o LDL, elevan o HDL e axuda ao corpo da muller a utilizar os estróxenos e a previr a osteoporose. Regulan o estrinximento se se poñen a remollo pola noite e se toman pola mañá (auga e sementes).