Información de Interese Moraña

Festas:

A raíña das festas da comarca é a Festa do Carneiro ao Espeto, o 28 de xullo, festa esencialmente gastronómica.

De carácter esencialmente festivo e profano son tamén festas como a ‘Rapa das Bestas’; a Festa do Arrieiro, o 25 de agosto, e a recentemente creada Festa do Porquiño á Brasa, ambas as dúas na parroquia de Amil.

A romaría dos Milagres de Amil, o 8 de setembro, que se remonta ao século XVIII. Na procesión van os cadaleitos cos ‘ofrecidos’ no seu interior, sacrificio orientado a conseguir a protección e axuda da Virxe ou ben para agradecer o favor recibido. 

A romaría de santa Xusta, que congrega o 19 de xullo a milleiros de persoas, que acoden a beber a auga milagreira da súa histórica fonte do século XVI, remedio para as doenzas do corpo e os males do espírito.

De fonda devoción son tamén a Guadalupe, a santa Apolonia, o san Roque e a romaría do Campo de Lebón.