Información de Interese Melide

Festas:

Melide vive a súa semana grande nas datas do San Roque, entre o 15 e 21 de agosto. O 16 de xullo celébrase a festividade do Carme. Durante todo o mes a capela do Carme é lugar de peregrinación.

A Festa do San Caralampio ou Festa dos borrachos, o segundo domingo de setembro.

A Festa de Santo Antón, que se celebra o 13 de xuño, e o San Pedro, patrón de Melide, o 29 de xuño.

No ano 2008 regresou con forza a celebración das festas de Corpus, co deseño de arcos e alfombras florais na céntrica praza do Convento.

Sempre foron coñecidas as feiras de Melide que teñen lugar os días 15 e o último domingo de cada mes, que é a feira grande e ten gando vacún de recría. Polo seu volume de transaccións é a segunda da provincia en importancia. Os domingos hai mercado e en setembro celébrase a Feira Monográfica da Exaltación da Tenreira Galega.