Información de Interese Gomesende

Festas:

As festas máis destacadas do termo municipal son as patronais de cada parroquia. Festéxase, así, o santo Antón o 13 de xuño en Gomesende; na parroquia de Poulo o san Pedro, o 29 de xuño, e a comezos de agosto o san Lourenzo en Fustáns.

Ademais, celébranse dúas romarías. A da Nosa Señora do Rosario do Val, no lugar do Val, e a da Nosa Señora da Guía, na parroquia da Guía, coincidindo co día da Ascensión. Esta é a patroa dos emigrantes e a ela van devotos de toda a comarca e, incluso, do norte de Portugal.