Información de Interese Castro de Rei

Festas:

As festas máis concorridas son o Entroido de Ansemar, o Santo Antón de Bazar e o San Pedro de Triabá, no mes de xuño.

Tamén son coñecidas as patronais de Castro de Rei, o Santiago de Duarría, do 1 ao 4 de agosto, e as da vila de Castro Ribeiras do Lea, así como as da Nosa Señora da Portería de Outeiro, que son o 13 e o 14 de setembro.

Outra festa destacada é a do emigrante, que se celebra no campo de Barxa, na parroquia de Locaia.

Ademais, todos os mércores hai mercado na vila de Castro Ribeiras do Lea, que é a que concentra na actualidade a maior parte da actividade comercial e industrial do concello.