Información de Interese A Peroxa

Festas:

Os días 13 e 27 de cada mes celébranse as feiras na capital do municipio da Peroxa e caracterízanse porque nelas se pode degustar a famosa carne ao caldeiro.

Festa de Santo Antón, tres días na primeira semana de xullo.

Festas do Amparo, o segundo domingo de setembro, en Carracedo, no Campo do Amparo. Un dos principais atractivos é a degustación de pratos típicos, como richada, carne ao caldeiro ou polbo.

A festa na honra da Virxe do Rosario, en Vilarrubín, o primeiro domingo de outubro, e a da Virxe das Neves, a primeira semana de agosto en Graíces.

Romaría da Nosa Señora da Saúde, en Mirallos, o terceiro domingo de setembro. Os romeiros reúnense no monte de San Nicolás.