Enviar a un amigo
Imprimir
Coral Alameda de Pontevedra
A Coral Alameda de Pontevedra comeza a súa andaina no 1976, da man do seu impulsor e inicial director, Eduardo Mola. O xerme da formación naceu como unha actividade lúdica máis dentro da residencia de anciáns da rúa Alameda, da que provén o nome da agrupación. Dende entón contabilizáronse varios directores ata que, en 2004 toma a batuta María José Diz Fernández que ocupa este cargo ata a actualidade.
A Coral Alameda de Pontevedra comeza a súa andaina no 1976, da man do seu impulsor e inicial director, Eduardo Mola. O xerme da formación naceu como unha actividade lúdica máis dentro da residencia de anciáns da rúa Alameda, da que provén o nome da agrupación. Dende entón contabilizáronse varios directores ata que, en 2004 toma a batuta María José Diz Fernández que ocupa este cargo ata a actualidade.
A formación, integrada na Federación Coral Galega (Fecoga), está composta por un total de 30 voces, 20 femininas e 10 masculinas, cunha media de idade que abrangue dos 60 aos 85 anos. Con amplos tempos de ensaio de catro horas semanais na Residencia de Maiores de Campolongo a Coral Alameda identifícase a si mesa como un grupo de persoas xubiladas que o único que buscan é aprender cousas novas ao tempo que pasan un bo rato en compañía; unha vocación que se transforma nun agradable traballo.
|
A beleza da harmonía Convertidos nunha gran familia, como tal as súas discrepancias resultan anecdóticas proporcionando un halo de humor e complicidade como é o caso da elección do vestiario pois a boa presenza no escenario sempre é un punto a favor; un debate que non sempre atopa o consenso aínda que, como indican dende a coral o gran atractivo da formación chega á hora da actuación, a beleza de todas as voces unidas a un son. É por iso que a máxima da Coral Alameda basease en aprender todo o posible e ir mellorando con cada actuación, só deste xeito se entende o doce recordo que gardan da primeira actuación, xa que a experiencia proporciona esa serenidade para avaliar e mellorar cada concerto. Así se coñecen as vicisitudes e potencialidades do contexto pois para esta agrupación resulta máis doado actuar en teatros ou pavillóns antes que nunha igrexa; e mesmo determinar o grado de complexidade dalgunhas pezas como “Zamba”.
|
|
Mantemento dunha coral
Non obstante, o compañeirismo entre os integrantes e mesmo con outras corais, as anécdotas e recordos son merecedores do esforzo, así como a experiencia de subirse a escenarios de toda Galicia, contando con actuacións en Santiago de Compostela, Vigo, Ourense, Vilagarcía, Ferrol… e mesmo na veciña Portugal, en Viana do Bolo. A estas colaboracións, nas que se inclúen participacións en concertos de carácter benéfico, engádense os encontros organizados en Pontevedra como son o Nadal, o Día das Letras Galegas ou as festas da Peregrina.
|
