publicidade hoxe

O DOG publica a resolución das axudas a entidades sen ánimo de lucro para programas de inserción laboral destinados a mulleres vítimas de violencia de xénero

PUBLICADO EN: Noticias de GaliciaGaliciaPortada esquerda
A-
A+

O Diario Oficial de Galicia publica na súa edición de hoxe a resolución das axudas a entidades sen ánimo de lucro para o desenvolvemento de programas de inserción laboral dirixidos a mulleres en situación de violencia de xénero, que contan cun orzamento de 564.419 euros.

Segundo recolle hoxe o DOG, esta convocatoria de axudas está confinanciada ao 80% con fondos FSE do programa operativo de Galicia 2014-2020, dos cales durante este ano, o orzamento é de 117.800 euros e para o ano 2019 conta con 446.619 euros.

Estas axudas teñen como finalidade apoialas na súa integración ou reintegración no mercado laboral, como elemento clave para unha recuperación integral, tendo en conta que a falta de recursos propios, fundamentalmente dun posto de traballo, dificulta en moitas ocasións a ruptura da situación de violencia.

As entidades beneficiarias son Acción Laboral, Fundación Cip, AXEL – Asociación Xóvenes Emprendedores Lucenses, APETAMCOR – Asociación de empresarios de transporte de mercancías por carretera, APICO – Asociación pola Igualdade e a Coeducación, Fundación Amigos de Galicia, Asociación de Empresarios de Mos, Ecos do Sur, Fundación Nortempo e CIMO Entidade Prestadora.

19 de outubro de 2018 | 11:22 • Sen comentarios

Comentarios pechados.