publicidade hoxe
Publicidade
omeulibro1

Inician as obras de reforzo de firme en seis estradas das comarcas de Santiago, Melide e o Barbanza, cun orzamento de preto de 785.000 de euros

PUBLICADO EN: Noticias de GaliciaBoimortoBoiroDodroLocal PortadaMelideNoiaPortada esquerdaRianxoSantiago de CompostelaTeo
A-
A+

A Consellería de Infraestruturas e Mobilidade as obras de reforzo de firme en seis estradas de titularidade autonómico ao seu paso polas comarcas de Santiago, Melide, e O Barbanza, nas que investirá preto de 785.000 euros.

Estas intervencións do departamento de Infraestruturas de Xunta beneficiarán aos concellos de Santiago, Teo, Boimorto, Boiro, Dodro, Melide, Noia, e Rianxo e dispoñen dun prazo de execución de catro meses.

Os traballos, que se inician hoxe, comezarán pola estrada AC-553, que comunica a autovía AG-11 con Ponte Catoira, no concello de Rianxo. Nesta vía actuarase ao longo de toda a estrada, de 1,44 quilómetros, estando previsto tamén a construción en zonas puntuais de cunetas de seguridade.

As actuacións definen as reparacións do firme que permitan prolongar a vida útil do pavimento, segundo as necesidades observadas en tramos localizados das seis estradas obxecto destas obra. Tratase das estradas AC-250, AC-305, AC-553, AC-550, AC-840, AC-841, e o enlace entre a AG-58 e a AG-59.

Na estrada AC-250, no concello de Santiago, intervirase nos 6,2 quilómetros de vía e incluirá tamén a construción en zonas puntuais de cunetas de seguridade.

Na AC-305, ao seu paso polos concellos de Boiro, Rianxo e Dodro, executaranse os traballos en zonas puntuais entre os puntos quilométricos 6+000 e 25+000. E na AC-550, no Concello de Noia, intervirase entre os puntos quilométricos 69+500 e o 73+000.

Tamén se acometerán traballos en zonas localizadas nas estradas AC-840, concelloss de Melide e Boimorto, entre os puntos quilométricos 36+000 e 49+000. E o mesmo na AC-841, Concellos de Santiago e Teo, entre os Puntos quilométricos 0+000 e 11+710.

No marco de este contrato se inclúe ademais actuacións de reforzo de firme no enlace entre a AG-58 e a AG-59, no Concello de Teo.

Plan de reforzos de firmes

A Consellería de Infraestruturas e Mobilidade continúa co desenvolvemento do Plan de reforzos de firme, co obxectivo prioritario de conservar a rede viaria autonómica e incrementar a seguridade viaria, proporcionando aos usuarios unhas vías cómodas que melloren a súa calidade de vida, potenciando o desenvolvemento económico e social dos municipios galegos.

O departamento de Infraestruturas da Xunta está a realizar importantes esforzos en materia de conservación de estradas, con actuacións que van máis alá dás tarefas ordinarias de conservación, complementándoas tamén con obras de conservación extraordinarias.

15 de outubro de 2018 | 13:40 • Sen comentarios

Comentarios pechados.