publicidade hoxe
Publicidade
omeulibro1

Conde defende modelos de negocio centrados nas persoas para promover cidades intelixentes e o envellecemento saudable

PUBLICADO EN: Noticias de GaliciaPontevedraPontevedra
A-
A+

O conselleiro de Economía, Emprego e Industria, Francisco Conde, participou hoxe en Pontevedra no III Fórum Retos internacionais do ecosistema saúde RIES18 organizado polo Clúster da Saúde e centrado este ano nas cidades intelixentes, saudables e amigables para garantir unha vida sa e promover o benestar en todas as idades.

Na súa intervención, o titular de Economía defendeu o apoio de modelos de negocio centrados nas persoas para promover cidades intelixentes e un envellecemento activo e saudable. Destacou, ao respecto, que un dos obxectivos da Estratexia galega de especialización intelixente (RIS3) é promover unha política de innovación centrada nas persoas explicando a aposta da Xunta por dar respostas ás súas necesidades das persoas desde ámbitos como a saúde, a alimentación, o aproveitamento dos recursos naturais e a eficiencia enerxética. Sinalou, ademais, que “as persoas son o eixo motor das cidades intelixentes, saudables e amigables ás que temos que aspirar”.

O titular de Economía explicou que neste modelo de cidade xoga un papel moi importante o ecosistema da saúde no que a biotecnoloxía é unha ferramenta capaz de materializar e poñer nome a todos os avances que se poden conseguir neste eido.

A biotecnoloxía é un ámbito que crece con forza. Galicia é a terceira Comunidade co maior número de empresas biotecnolóxicas que facturan máis de 250 millóns de euros e se atopa entre as catro que rexistran un maior índice de emprendemento neste eido. Ademais, BioIncubaTech é a primeira incubadora galega deste sector que será un trampolín de novas empresas para achegar solucións innovadoras. Trátase dunha aceleradora que se presentou esta semana en Santiago e que lidera co apoio da Xunta, a USC, Uninova e a Cámara de Santiago. Nesta aceleradora tamén está representado todo o sector empresarial: Bioga, o Clúster da Saúde e Clusaga.

Para rematar, Conde agradeceu ao Clúster da Saúde a organización do evento e aos poñentes por expoñer casos de éxito e experiencias de Israel, Francia, Estonia e Portugal que Galicia poida compartir.

25 de outubro de 2018 | 16:28 • Sen comentarios

Comentarios pechados.