publicidade hoxe
Publicidade
omeulibro1

A Xunta insta ao Consorcio Provincial contra incendios de Pontevedra a homoxeneizar os salarios dos bombeiros

PUBLICADO EN: Noticias de GaliciaLocal PortadaPontevedraPontevedraPortada dereita
A-
A+

A Xunta de Galicia instou hoxe ao Consorcio Provincial contra incendios de Pontevedra a impulsar a homoxeneización dos salarios dos bombeiros dos parques provinciais para que cobren o mesmo que os seus compañeiros do resto de Galicia.

A medida foi elevada hoxe ao Pleno do Consorcio polo director xeral de Emerxencias e Interior, Luís Menor, quen destacou a súa importancia, xa que permite desbloquear a decisión política que xa fora acordada e que atopara algúns problemas administrativos por parte dos servizos técnicos da Deputación Provincial de Pontevedra. Deste xeito, dáse cobertura legal ao acordo alcanzado no mes de abril entre as dúas administracións que forman o Consorcio (Xunta e Deputación).

A homoxeneización de salarios dos efectivos de bombeiros é resultado do paso previo da constitución dos consorcios provinciais contra incendios. Esta homoxeneización xa foi aprobada nas provincias de Lugo e Ourense e, cando se culmine o acordo de hoxe, só quedaría a da Coruña.

3 de outubro de 2018 | 16:43 • Sen comentarios

Comentarios pechados.