publicidade hoxe
Publicidade
omeulibro1

O Encontro Internacional de Torneiros converterá a Xermade nun espazo referente da artesanía

PUBLICADO EN: Noticias de GaliciaAxenda e CulturaFestas PortadaLocal PortadaXermade
A-
A+
Presentación do Encontro Internacional de Torneiros

Presentación do Encontro Internacional de Torneiros

A directora xeral de Comercio e Consumo, Sol Vázquez, acompañada da xerente da Fundación Centro Galego da Artesanía e do Deseño, Elena Fabeiro, participou hoxe na presentación do XVIII Encontro Internacional de Torneiros da Madeira de Xermade, que converterá, do 21 ao 23 de setembro, esta localidade lucense nun espazo de formación e exhibición de referencia do sector artesán galego.

A iniciativa, organizada polo Concello de Xermade, e que conta coa colaboración da Consellería de Economía, Emprego e Industria, permite poñer en valor o oficio do torneado de madeira.

Esta nova edición ofrecerá un escaparate aos profesionais e afeccionados ao oficio do torneado artesán da madeira onde podan expoñer, contrastar, aprender e interrelacionarse. Como ven sendo habitual, o polideportivo municipal de Xermade acollerá cursos especializados a cargo de profesionais de prestixio internacional como a francesa Elisabeth Mezières, o inglés Rod Page, o madrileño Toni Porto e o mestre galego Lolo Castro.

O programa de actividades do encontro complétase con distintas demostracións e a exposición itinerante de madeira torneada CONtornos. Ademais, durante os tres días, os visitantes poderán ver unha mostra de pezas torneadas achegadas polos participantes. Tamén haberá exposición e venda de maquinaria, ferramentas e publicacións.

O programa completo pódese consultar na páxina web do evento www.encontrodetorneiros.org

9 de agosto de 2018 | 14:40 • Sen comentarios
Deixa o teu comentario