Un total de 11 mulleres utilizaron as paradas a demanda do servizo de bus nocturno esta fin de semana

O alcalde avanzou esta mañá que entre o venres e o sábado foron once as mulleres que usaron as paradas adicionais que ofrecen os buses nocturnos para apearse o más preto posible do seu destino. O servizo funcionou con absoluta normalidade, segundo constatou.

O bus nocturno con paradas adicionais para que as mulleres poidan baixarse o máis preto posible dos seus destinos funcionou con absoluta normalidade nesta segunda fin de semana de servizo. O venres foron 5 as usuarias -con idades comprendidas entre os 27 e os 60 anos- que solicitaron apearse entre paradas nas zonas de Navia, Travesía de Vigo, Avda Castelao e Urzáiz. O sábado foron 6 as mulleres que solicitaron este servizo en zonas como Becerreira, Romil, Avda Atlántica, rúa Baiona, Travesía de Vigo ou Sanjurjo Badía. As idades das usuarias oscilaron entre os 22 e os 50 anos.