publicidade hoxe
Publicidade
omeulibro1

Actívase a alerta laranxa por temporal costeiro no litoral da Coruña a partir desta madrugada

PUBLICADO EN: Noticias de GaliciaA CoruñaGaliciaLugoOurensePontevedraPortada dereita
A-
A+

A Dirección Xeral de Emerxencias e Interior da Vicepresidencia da Xunta vén de activar a alerta laranxa por un temporal costeiro que comezará esta madrugada e que afectará o litoral da provincia da Coruña.

Segundo informa a Axencia Estatal de Meteoroloxía (Aemet), a partir das 00,00 horas do día 13 de febreiro agárdase mar combinada do noroeste con ondas de 4 a 5 metros no oeste e noroeste da provincia da Coruña. No litoral de Pontevedra e Lugo estará activa a alerta amarela.

Recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CIAE 112 (www.112galicia.org), que conta con información meteorolóxica e con enlaces de interese.

Alerta amarela por neve

Ademais, desde esta madrugada, tamén se activará a alerta amarela por neve na montaña de Lugo e de Ourense. Agárdanse acumulacións de 5 centímetros por riba dos 900 metros.

12 de febreiro de 2018 | 17:00 • Sen comentarios

Comentarios pechados.