publicidade hoxe
Publicidade
omeulibro1

A partir do 4 de decembro aplicarase o decreto que homoxeneíza os protocolos de control dos ascensores intalados en Galicia

PUBLICADO EN: Noticias de GaliciaGaliciaPortada esquerda
A-
A+

O novo decreto relativo aos ascensores instalados en Galicia entrará en vigor o día 4 de decembro, tras a súa publicación hoxe no Diario Oficial de Galicia (DOG). Trátase dunha adaptación da normativa autonómica ás novidades introducidas pola lexislación nacional vixente nesta materia -Instrución Técnica Complementaria AEM1-, o que permite dotar dunha maior seguridade e control os elevadores dos edificios galegos.

Unha das novidades máis destacadas que introduce é que se establece a obrigatoriedade de que todos os Organismos de Control Autorizado (OCA) realicen as súas inspeccións en base á norma UNE 192.008, homoxeneizando un procedemento no que, ata agora, cada OCA utilizaba o seu propio protocolo. Ademais, establécense as concordancias nas calificacións das inspeccións a nivel autonómico e estatal, aportando unha maior claridade.

Outro punto destacado é a posibilidade de dar de baixa temporal un ascensor, unha medida que beneficiará especialmente aos edificios vacacionais que, deste xeito, non perderán o seu número de Rexistro de Aparello Elevador (RAE).

Ademais o decreto regula de xeito máis exhaustivo varios procedementos como as comunicacións entre empresa mantedora e reparadora no caso dos arranxos de ascensores; a notificación de posta fóra de servizo; e a obrigatoriedade da comunicación bidireccional nos ascensores existentes.

Finalmente, elimínase a obrigatoriedade do libro do ascensor, xa que os Organismos de Control Autorizado están obrigadas a enviar á Xunta as actas das inspeccións e tamén, de xeito mensual, as empresas mantedoras teñen que remitir o contido do seu rexistro.

Con todas estas medidas, o Goberno galego segue avanzando no obxectivo de conseguir vivendas máis seguras e con máis calidade, o que redunda nun maior benestar dos cidadáns. Nesta liña, enmárcanse o plan de renovación de ascensores ao que a Xunta destina máis de 3 millóns de euros desde a súa posta en marcha en 2015, un programa que xa permitiu renovar 300 elevadores en Galicia.

14 de novembro de 2017 | 16:19 • Sen comentarios
Deixa o teu comentario