publicidade hoxe

A Xunta está a rematar as obras de reparación da estrada LU-146 ao seu paso polo barrio de Ver, no municipio de Bóveda

PUBLICADO EN: Noticias de GaliciaBóveda
A-
A+

A Consellería de Infraestruturas e Vivenda está a rematar as obras de reparación da estrada LU-146 ao seu paso polo barrio de Ver, no concello de Bóveda.

O delegado territorial de Lugo, José Manuel Balseiro, explicou que se trata dunha obra moi demandada polos veciños do barrio, dado que é a arteria que os comunica coa capitalidade do municipio.

A consellería, a través da Axencia Galega de Infraestruturas, inviste 22.000 euros nestes traballos que se enmarcan no plan de conservación das estradas que conforman a rede autonómica na provincia.

As obras consisten na rexeneración do pavimento e afectan a 1 quilómetro de vía, estando previsto que finalicen esta mesma semana.

Balseiro subliñou que o Goberno galego continúa a traballar no obxectivo de conservar a rede viaria autonómica en óptimas condicións coa fin de incrementar a seguridade viaria e proporcionar aos usuarios unhas vías cómodas que melloren a súa calidade de vida, potenciando o desenvolvemento económico e social dos municipios galegos.

12 de setembro de 2017 | 16:45 • Sen comentarios

Comentarios pechados.