Requisan tres embarcacións e máis de 50 quilos de marisco en dous controis contra o furtivismo na área de Vigo

Axentes do Servizo de Gardacostas de Galicia, dependente da Consellería do Mar, requisaron 3 embarcacións e máis de 50 quilos de marisco en dous controis realizados na área de Vigo en colaboración coa Garda Civil.

Un deles levouse a cabo en Chapela, en Redondela, onde requisaron dúas embarcacións que tiñan folio falso. A maiores, noutro control desenvolvido en Rande, os axentes requisaron outra embarcación que estaba a faenar de xeito ilegal e fixéronse con case 40 quilos de vieira, preto de 13 de nécora e un equipo de mergullo.