O conselleiro de Sanidade desataca a relevancia dos profesionais no 25º aniversario da Escola de Enfermería de Povisa
O conselleiro de Sanidade, Jesús Vázquez Almuiña, presidiu esta mañá os actos do 25º aniversario da Escola de Enfermería de Povisa. Durante a súa intervención, Almuiña destacou que a enfermería é un labor moi vocacional que require unha combinación de coñecementos, aptitudes e habilidades que cómpre traballar ao longo do período de formación e darlle continuidade despois.
O conselleiro lembrou o importante momento que vive a enfermería co título de Grao universitario no que Povisa foi pioneiro na súa posta en marcha. Tamén destacou desenvolvemento das especialidades, o que posibilita o acceso a estudos de Mestrado e Doutoramento. Almuiña quixo facer un recoñecemento á relevancia dos profesionais da enfermería na transformación do sistema, para adaptalo ao coidado dos enfermos crónicos e con pluripatoloxía.