Preséntase en Ourense o catálogo ‘Prego, 100 anos’
O secretario xeral de Política Lingüística, Valentín García, e a delegada territorial da Xunta en Ourense, Marisol Díaz Mouteira, participaron hoxe á mañá na presentación do catálogo expositivo Prego, 100 anos. A publicación, que conta coa colaboración da Consellería de Cultura e Educación, por medio da Secretaría Xeral de Cultura, promóvea o Concello de Ourense no marco do centenario do nacemento do pintor ourensán Manuel Prego de Oliver.