Roi Rodríguez logrou a terceira posición na regata de 1.500 metros da Nelo Winter Challengue

Roi Rodríguez logrou a terceira posición na regata de 1.500 metros da Nelo Winter Challengue que se disputou en Montebelo (Portugal). O padeeiro do Kaiak Tudense tamén disputou a final da proba de velocidade sobre 150 e terminou no segundo posto da clasificación xeral por puntos. Na competición participaron case 200 deportistas, tanto na modalidade de kaiak como de canoa, entre os que se atopaban varios campións olímpicos e do mundo.

Na distancia de 1.500 metros, disputada sobre o sistema de contrarreloxo, Roi Rodríguez foi capaz de adaptarse ás condicións da regata. Sabía que os seus rivais eran moi fortes, polo que apostou por unha forte saída desde o inicio. A súa regularidade e tamén a súa magnifico estado de forma permitíronlle liderar a clasificación durante moitos minutos. Con todo, os últimos participantes lograron rebaixar o seu tempo. Joao Ribeira foi o primeiro deles e terminou segundo. Pero Fernando Pimenta non deu ningún tipo de opción e levou a vitoria de forma contundente. O tudense e o portugués, xunto a Rubén Millán, Gabriel Campo Pavón e Aarón Diéguez, acaban de regresar dunha concentración en México. Alí adestráronse nunha altura de 2.000 metros.

Roi Rodríguez tamén tivo unha bo actuación na proba de 15 metros na Nelo Winter Challenge, a pesar de que non é a súa especialidade. Foi superando roldas, o que esixía un gran esforzo físico, até chegar á final. O seu rivais foron superiores e terminou na sétima posición. O Kaiak Tudense enviou a un amplo equipo a esta primeira proba internacional da tempada. O conxunto estaba composto por Roi Rodríguez, Rubén Millán, Gabriel Campo Pavón, Aarón Diéguez, Diego Piña, Sebas Delgado, Emilio Llamedo, Iván Alonso, Ramón Ferro, Brais Casás, Alfonso Domíguez e Daniel Durán. Emilio Llamedo e Sebas Delgado debutaron co equipo tudense nunha regata, xa que foron as últimas incorporacións.

Esteban Alonso mostrouse “satisfeito” polo resultado, pero tamén “por poder participar nunha regata que resultou moi atractiva sobre distancias que non son habituais”. Tamén destacou a importancia de ter como rivais a cualificados especialistas mundiais. O técnico, cando queda un mes para afrontar o Campionato de España de inverno que se disputará en Sevilla, mostrouse “confiado no potencial do equipo. Temos que seguir nesta liña de traballo e esforzo para conseguir o obxectivo de conquistar outro título. Ese é o desafío”. Roi Rodríguez, Rubén Millán e Gabriel Campo Pavón viaxarán a Sevilla para realizar unha concentración co equipo español que durará dúas semanas. Os tres teñen nas súas axendas deportivas ambiciosos obxectivos para a tempada que acaba de comezar.