publicidade hoxe
Publicidade
omeulibro1

O Speis de Narón realizou medio cento de intervencións derivadas do temporal durante a fin de semana

PUBLICADO EN: Noticias de GaliciaNarón
A-
A+

Os integrantes do Servizo de Prevención e Extinción de Incendios e Salvamento (Speis) do Concello de Narón realizaron esta fin de semana, entre o venres e onte domingo, un total de 53 servizos debido ao temporal de auga, tormenta e vento, que mantivo activas varias alertas na comunidade galega. A maior parte das intervencións tiveron lugar na xornada do venres, con 36 saídas, tal e como apuntou o concelleiro de Protección Civil e Seguridade Cidadá, Guillermo Sánchez Fojo. O sábado contabilizáronse dez saídas e o domingo as sete restantes, apuntou.

En canto aos servizos prestados, o edil naronés explicou que vinte responderon a cortes de árbores que interrompían o paso nalgúns viais do concello, maioritariamente na zona rural pero tamén no núcleo urbán, e dezanove foron en cubertas de diferentes edificios e instalacións do municipio. Así mesmo, o equipo do Speis tamén tivo que intervir no caso de caídas de árbores en zonas donde se localizan liñas eléctricas, asegurando estruturas, saneando fachadas, fiestras e lucernarios e prestar asistencia por danos en liñas eléctricas e de telefonía. Nos casos de traballos nas cubertas, tamén nas zonas urbana e rural, foi preciso recorrer ao uso do vehículo con autoescaleira en vinte e dous casos, tal e como se indicou, apuntando ademais que se utilizou ese mesmo vehículo nas intervencións realizadas en fachadas que se levaron a cabo en tres ocasións durante os pasados días 3, 4 e 5.

As maiores complicacións rexistráronse na tarde do venres ao sábado, concretamente entre as 12.00 e as 2.00 horas, se ben a intensidade do vento superou os cen quilómetros por hora entre as 20.00 horas do venres e a 1.00 do sábado.

O edil de Protección Civil e Seguridade Cidadá valorou o “intenso traballo” realizado polo equipo do Speis a pasada fin de semana, “implicándose arreo para minimizar os danos derivados do temporal no noso termo municipal”.

6 de febreiro de 2017 | 17:57 • Sen comentarios

Comentarios pechados.