O Camiño Acaba en Obradoiro estrea o seu documental con Juan Antonio Corbalán como protagonista

Cada club de baloncesto leva a cabo ao longo da tempada múltiples proxectos e, si hai que destacar un no Rio Natura Monbus Obradoiro polo seu significado, é O Camiño Acaba en Obradoiro.

A peza documental “Juan Antonio Corbalán: O camiño remata en Obradoiro”, dirixida por Reclam, presentarase publicamente o próximo 27 de febreiro, ás 20.00 horas, na Sala Mozart do Auditorio de Galicia en Santiago de Compostela. Nesta peza audiovisual, o público poderá coñecer os mellores momentos e impresións do ex xogador e os seus acompañantes na ruta realizada.

Juan Antonio Corbalán, protagonista da segunda edición deste proxecto, completou as seis últimas etapas do Camiño Primitivo de Santiago co obxectivo de poder recadar fondos para a creación da Bolsa Corbalán por parte da Fundación Heracles.

O ex xogador da selección española decidiu que toda a recadación se destinaría á estancia nas categorías base do Rio Natura Monbus Obradoiro.

Á preestrea deste documental non faltarán o persoal ao completo do primeiro equipo, ademais dos representantes dos patrocinadores e colaboradores do proxecto, encabezado por Turismo de Galicia, O Camiño con Correos e Obra Social A Caixa.

Os abonados, accionistas e Amigos da Fundación Heracles poderán asistir á proxección previa confirmación e até completar aforamento enviando os seus datos a través do correo electrónico eventos@obradoirocab.com antes do venres 24, ás 20.00 horas.