Inma López Silvia visitará o Club de Lectura da Axencia de Lectura de Meiro

A Axencia de Lectura de Meiro organiza o vindeiro xoves, 23 de febreiro, a reunión do club de lectura que desta volta contará cunha convidada especial. Trátase da autora viguesa Inma López Silva, quen publicou no verán da man de Editorial Galaxia Aqueles días en que eramos malas, e que vén de ser traducida recentemente ao castelán con Lumen.

Precisamente os asistentes conversarán coa autora arredor do seu último libro, no que se trata o tema da culpa e das vivencias no cárcere de seis mulleres de múltiples circunstancias. Desde a Axencia animan a todas as persoas que o desexen a compartir este momento.

Horario da Axencia de Lectura de Meiro

A Axencia de Lectura de Meiro reabriu as súas portas o pasado outubro a cargo de Daniel Durán, un rapaz voluntario da aldea de Meiro, e o horario de apertura é de 18 a 21 horas os luns, e os martes, xoves, venres e sábados, de 16 a 21 horas. Ao longo deste ten organizado recitais de poesía, obradoiros para os máis pequenos, xogos populares e tertulias literarias. Para poñerse en contacto coa axencia, pódese chamar ao 722 24 59 79 ou enviar un correo a axenciameiro@gmail.com.