publicidade hoxe

Bueu acolle este sábado o Campionato Galego Sub 21

PUBLICADO EN: Noticias de GaliciaBueuDeportesDeportes Portada
A-
A+

O sábado 4 de febreiro (a partir das 09.30 horas) celebrarase en Bueu (pavillón municipal) o Campionato Galego sub 21, que reunirán a máis de 120 deportistas desta categoría de toda Galicia e 38 árbitros. O torneo sub 21 comezará ás 09.30 de mañá con 53 mulleres e 69 homes. En xogo está a clasificación para o Campionato de España, que está previsto para comezos do mes de marzo. Entre os participantes hai medallistas en campionatos de España o cal fala do altísimo nivel competitivo dos nosos deportistas. Desta forma, podemos destacar, entre outros, a Adrián Pombo (Natural Sport Riveira), Miryam García (Patiño-Moaña), Sabela López (Patiño-Moaña), Lorena Pardo (Garrapucho) ou Jéssica Blanco (Mace Sport), todos eles medallistas no Campionato de España sub 21 do pasado ano. Neste campionato realizarase unha recollida de alimento a favor de Cáritas e a parroquia de Bueu. Todas as persoas interesadas en colaborar poderán facer entrega de produtos de primeira necesidade (aceite, arroz, azucre, leite…).

2 de febreiro de 2017 | 17:16 • Sen comentarios

Comentarios pechados.