publicidade hoxe

Tahume incorpora narración de ritos, mitos e costumes ao seu festival

PUBLICADO EN: Noticias de GaliciaRiveira
A-
A+

A agrupación de baile e música tradicional Tahume vai ofrecer esta fin de semana unha actuación moi especial para poñer remate definitivamente ás datas navideñas. A asociación radicada en Olveira decidiu dar “unha volta de torca” ao festival de todos os anos conferíndolle un cariz máis teatral á súa actuación.

Para falar da acción estivo hoxe no Consistorio o director do grupo, Fran Sieira, xunto ao concelleiro Emilio Pérez Outeiral, quen destacou a contribución desta entidade ao impulso da música tradicional dende a súa fundación no ano 1987.

Entre 30 e 40 participantes

O festival terá lugar o sábado 14 de xaneiro ás 19 horas no Auditorio e levará por título “Unha Historia do Nadal”. Durará noventa minutos e permitirá que se suban ao escenario entre 30 e 40 membros da agrupación.

Segundo explicou Sieira, o baile e a música habituais do espectáculo estarán entretecidos con ritos, mitos, costumes e historias que os integrantes de Tahume teñen escoitado e recompilado durante estas décadas e que serán escenificados a partir dos contos que unha avoa conta ao seu neto.

A entrada será de balde ata esgotar o aforo.

12 de xaneiro de 2017 | 19:54 • Sen comentarios

Comentarios pechados.