O Santiago Futsal reduce o prezo dos abonos para a segunda volta

Ao Santiago Futsal aínda lle quedan máis de 3 meses de competición por diante; tres meses nos que terá que recibir en casa a equipos como Burela FS no ‘derbi irmandiño’ da LNFS; enfrontarase a rivais directos na loita pola permanencia como D-Link Zaragoza ou Levante UD DM; e medirse a dous dos favoritos ao título de Liga: Movistar Inter e FC Barcelona. O club abre o prazo para abonarse a esta 2ª volta de Liga e poder gozar dos apaixonantes encontros do club santiagués no tramo final do campionato.

O club reduce o prezo dos abonos nun 45% en todas as categorías para esta 2ª volta da competición ligueira. Por tanto, os prezos dos abonos quedarían da seguinte maneira:

Adulto: 50€
Estudante da USC: 35€
Federado-ADV: 35€
Parado: 25€
Xubilado: 25€
Xuvenil 14-17 anos: 20€
Infantil: 10€

Ademais, o club mantén a súa campaña de abonados en colaboración coa compañía móbil Tuenti. Todos aqueles mozos de 18 anos que se dean de alta na compañía móbil poderán retirar o seu carné de abonado do Santiago Futsal de maneira gratuíta. Para máis información, contactar coas oficinas do Santiago Futsal no número 981 11 50 38 ou a través de email administracion@santiagofutsal.com

No caso dos abonos de categorías con prezo especial (estudante da USC, Federado-ADV, Parado e Xubilado) será necesario presentar un documento que acredite tal situación. Para as categorías xuvenil e infantil será necesario presentar o DNI da persoa.

Abónate ao Santiago Futsal e vive a emoción do fútbol sala cos encontros da mellor liga de fútbol sala do mundo.