publicidade hoxe
Publicidade
omeulibro1

O Concello de Tui rende homenaxe a Camilo José Cela no centenario do seu nacemento

PUBLICADO EN: Noticias de GaliciaTui
A-
A+

O concello de Tui celebra esta fin de semana o acto de homenaxe “Cela en Tui” que celebra o centenario do nacemento do célebre autor e gañador do premio Nobel de Literatura Camilo José Cela, quen tivo unha forte relación coa cidade.

O acto, presentado polo director da Radio Municipal de Tui, Jose Font, comezará coa intervención do alcalde de Tui, Enrique Cabaleiro, quen dará paso á proxección dun fragmento do documental “El recuerdo más cercano”. A selección dos fragmentos e relatos relacionados coa presenza de Cela en Tui recollerá as anécdotas dos seus familiares e amigos máis próximos. Terá unha duración aproximada de 55 minutos e os asistentes poderán coñecer as lembranzas e comentarios que facía Cela, por exemplo, cando se lle dedicou unha rúa na súa honra. A continuación, será a quenda dun coloquio da man do seu fillo Camilo José Cela Conde, do seu irmán Jorge Cela Trulock e do seu sobriño Julio Pérez Cela.

A presidenta da Deputación de Pontevedra, Carmela Silva, será a encargada de pechar o acto de  homenaxe ao recoñecido escritor.

Aínda que Cela naceu en Iria Flavia, Padrón, o seu pai é oriúndo de Tui e influíu notablemente na vida do escritor galego. A familia do seu pai chegou a Tui procedente do pobo ourensán de Piños de Cea e aquí, instalados nunha casa situada no que hoxe é a rúa Maristas, formaron parte activa da vida política e social da cidade. O seu avó, Camilo Cela Fernández, chegou a ser alcalde da cidade a comezos do século XX, en 1905, e entre os seus fillos atópase Camilo Cela, pai do escritor.

26 de xaneiro de 2017 | 18:45 • Sen comentarios

Comentarios pechados.