Estudantes do CEIP Campolongo farán mañá o roteiro Castelao
Mañá, xoves 26 de xaneiro, un grupo de 50 estudantes de 5º de primaria do CEIP Campolongo realizarán o roteiro Castelao polas rúas da zona histórica de Pontevedra. Sairán ás 9.15 horas desde a praza da Ferraría.
A actividade inclúe unha visita á Sala Castelao do Museo de Pontevedra e ao edificio modernista da Fundación Caixa Galicia, onde se situaba o Café Moderno.
O Concello de Pontevedra segue a ofrecer estas visitas guiadas pola Pontevedra máis vencellada a Castelao, co obxecto de ligar o uso da lingua galega aos espazos urbanos da cidade, recuperar e difundir a memoria histórica inserida no contorno xeral da historia de Galicia e dinamizar os usos orais da lingua galega no ámbito urbano.
Por mor da climatoloxía adversa, ou por outras circunstancias, esta visita podería sufrir modificacións. De ser así, procuraremos mantelos informados.