Comeza a XVIII edición de Noites Abertas
Esta fin de semana comeza unha nova edición de Noites Abertas. E xa van dezaoito. A diferenza desta décimo oitava edición coas anteriores é que conta exclusivamente con orzamento municipal posto que a convocatoria anual de subvencións do Plan Nacional sobre Drogas este ano non foi convocada. Así o Concello de Pontevedra achega os 100.000€ de custo do programa para ofertar 91 actividades diferentes en 24 xornadas durante 13 fins de semana, dende o venres 27 de xaneiro ata o sábado 29 de abril.
O concelleiro de Xuventude, Demetrio Gómez, subliñou os factores que fan de Noites Abertas unha experiencia “única e imprescindíbel”:
É democrática: a mocidade participa no deseño e na xestión.
É un banco de probas: hai empresas á procura de talento nas Noites Abertas
Oferta lecer alternativo
É galega e en galego
Loita pola igualdade e contra a violencia machista
Nesta edición participan 17 asociacións e clubs deportivos realizando 21 actividades; participan tamén 21 empresas pequenas (sobre todo autónomos) que realizan 26 das actividades e prestan 8 servizos. Colectivos informais de mozxs realizan 21 actividades e 23 son realizadas por persoas novas a título individual. En total, serán 91 actividades diferentes, entre as que podemos atopar deportes, manualidades, bailes, xogos, actividades musicais, etc…
Ibuprofeno Teatro e antigxs monitorxs do programa encárganse dende hoxe e ao longo desta semana, de promocionar a nova programación de Noites Abertas, a través de intervencións teatrais e de animación nos diferentes institutos da cidade, así como no campus universitario e nas rúas e prazas dadiferentes institutos da cidade, así como no campus universitario e nas rúas e prazas da cidade. Calendario e horario desta difusión:
Martes, 24 de xaneiro.
11.00-11-30 horas. Frei Martín Sarmiento
12.05-12.35 horas. IES Torrente Ballester
13.00- 13.30 horas. Facultade de Belas Artes
14.30 horas. IES Valle Inclán
17.00-19.00 horas. Saída Praza do Concello, Peregrina, Ferrería e arredores
Mércores 25 de xaneiro
11.30- 12.00 horas. IES A Xunqueira I e IES A Xunqueira
12.05-12.35 horas- IES A Xunqueira II
12.45. 13.05 horas. Facultade de Ciencias da Educación e Deporte
13.10-13.20 horas. Facultade de Fisioterapia
13.30-14.00 horas. Comedor da Facultade de Ciencias Sociais
14.00-14.30 horas. Comedor de Forestais
Xoves, 26 de xaneiro
11.00-11-20 horas. IES Montecelo
11.40-12.00 horas. IES Luis Seoane
13.13.30 horas. CIFP Carlos Oroza
Venres, 27 de xaneiro
11.30-12.00 horas. IES Sánchez Cantón
Para participar nas actividades só hai que ter entre os 12 e os 30 anos e querer pasalo ben os venres e sábados en Pontevedra.
Toda a programación pode consultarse na web www.noitesabertas.gal .
Máis información na Oficina Municipal de Información Xuvenil do Concello de Pontevedra 986840367 (de 9 a 15h) e no mail noitesabertas@pontevedra.gal