Charla sobre doazón de médula en Bueu
A concellaría de sanidade de Bueu organiza este xoves ás 18 horas unha charla sobre doazón de médula no Centro Social do Mar. Marta álvarez Vázquez, de Coordinación de Transplantes de Galicia da Axencia de Doazón de Órganos e Sangue (ADOS) será a encargada de impartila, e contará coa colaboración da concelleira de sanidade de Bueu, María Teresa López González. Desde o Concello de Bueu convídase a todas as persoas a asistir e informarse sobre este tema de interese e do que aínda existe un gran descoñecemento.