Casal e Barreiro serán distinguidos pola Federación Española de Piragüismo
Os deportistas do Real Club Náutico Rodeira Álex Casal e David Barreiro serán premiados na festa anual da Federación Española de Piragüismo.
O xogador Álex Casal será galardoado cunha mención especial na categoría colectiva de Mellor Equipo 2016. O cangués colgouse a medalla de bronce no Mundial de Siracusa coa selección española de kaiak polo. Pola súa banda, Barreiro recibirá tamén na XXXIV Gala Nacional de Piragüismo a distinción que o acredita como Mellor Promesa Masculino en categoría júnior.
A entrega de premios terá lugar o próximo 4 de febreiro no Comité Olímpico Español (18:30 horas).
Casal, de novo co combinado nacional
O seleccionador Jorge Pérez incluíu na primeira concentración do ano da selección española a Álex Casal. Os xogadores reuniranse os próximos días 28 e 29 de xaneiro en Madrid.