publicidade hoxe
Publicidade
omeulibro1

Cangas organiza xornadas para resaltar a riqueza da ría

PUBLICADO EN: Noticias de GaliciaCangas
A-
A+

A Concellería de Medio ambiente e Turismo, dirixida por Tania Castro, está traballando nun novo proxecto productivo, sufragado por fondos europeos, que se centra en resaltar a riqueza da nosa Ría.

Trátase dun proxecto que se levará a cabo xunto coas vilas mariñeiras da provincia de Pontevedra que terá lugar neste ano 2017. O obxectivo é organizar un fin de semana de actividades variadas en cada concello participante. As Xornadas de Cangas contarán con tres talleres mediambientais con diferentes localizacións e obxectivos; “un deles realizarase nunha das nosas praias e irá enfocado no grave problema da acumulación dos residuos na Ría”.

Contará tamén con unha exposición visual e conferencia sobre a nosa vila mariñeira. Realizaremos unha xornada completa de show cooking e varias actuacións musicais e teatrais.

A Concelleira de Medio Ambiente e Turismo, Tania Castro, realizará unha reunión nas próximas semanas con todos aqueles colectivos que queiran participar de maneira activa nas xornadas. “Toda aquela asociación, grupo musical, grupo teatral que queira participar deste proxecto, só ten que remitir un email a t.castro@cangas.gal e explicar brevemente cal sería o microproxecto que lles gustaría desenvolver. Teñen que presentar microproxectos de unha hora enmarcados no desenvolvemento, sensibilización, información e consolidación do respeto polo Medio Ambiente propoñendo unha actividade atractiva para a veciñanza en xeral, máis tamén serán estudadas as propostas que vaian dirixidas a idades específicas (nenéz, mocidade ou adultos e adultas). “Queremos realizar unhas xornadas integradoras nas que todo aquel que queira colaborar teña un sitio. Son características imprescindibles para os microproxectos que se utilizen o máximo posible de enerxias limpas ou renovables e equipos electrónicos eficientes enerxéticamente.”

 

12 de xaneiro de 2017 | 19:31 • Sen comentarios

Comentarios pechados.