A Ponte Internacional será o lugar de entrada da Cabalgata de Reis en Salvaterra

O Nadal vai rematando, e como xa é tradición, en Salvaterra de Miño farao coa CABALGATA DE REIS o próximo xoves 5 de xaneiro. As súas maxestades farán a súa entrada na Vila, a través da Ponte Internacional, a partir das 16.00h.  A súa primeira parada será  na Residencia de Maiores de Salvaterra, onde visitarán a todos os anciáns que alí residen,  para seguir ata a Praza do Concello onde recibirán a todos os cativos que alí os esperan, nunha tarde chea de maxia e ilusión.