publicidade hoxe
Publicidade
omeulibro1

Medio Ambiente colaborará no acondicionamento da marxe dereita do río Avia con 20.000 euros

PUBLICADO EN: Noticias de GaliciaLeiro
A-
A+
Beatriz Mato na reunión co alcalde de Leiro

Beatriz Mato na reunión co alcalde de Leiro

A Consellería de Medio Ambiente e Ordenación do Territorio colaborará con 20.000 euros no acondicionamento da marxe dereita do río Avia, no concello de Leiro.

Así se recolle no convenio asinado hoxe entre a titular deste departamento autonómico, Beatriz Mato, e o alcalde da localidade, Francisco José Fernández, durante unha reunión que tivo lugar en Santiago de Compostela.

O río Avia, afluente do Miño, discorre por este concello ourensán. Sobre a súa canle, próximo a área recreativa das Poldras e a súa praia fluvial, hai unha pasarela peonil de madeira na ribeira dereita, que está pechada ao paso debido ao deterioro sufrido polo transcurso do tempo.

O obxectivo desta actuación é substituír a pasarela peonil por unha senda fluvial que, discorrendo por esta mesma marxe dereita, dea continuidade ao paseo fluvial, ao tempo que interconecta de xeito máis directo o paseo coa trama urbana do núcleo.

13 de decembro de 2016 | 18:36 • Sen comentarios

Comentarios pechados.