Mato reúnese co alcalde de San Cristovo de Cea para analizar as demandas en materia de saneamento
A conselleira de Medio Ambiente e Ordenación do Territorio, Beatriz Mato, mantivo hoxe unha xuntanza de traballo co alcalde de San Cristovo de Cea, José Luis Valladares. No encontro, que tivo lugar en Santiago, ambos responsables abordaron as necesidades en materia de saneamento do concello e, máis en concreto, do polígono da localidade. Esta reunión tivo como obxectivo seguir avanzando na posible colaboración de ambas administracións nesta materia.