Investigan a unha veciña de Pontevedra ao ser sorprendida en Coles ao volante dun vehículo sen ter carné

A Garda Civil de Tamallancos (Ourense) tomou declaración a unha veciña de Pontevedra que foi interceptada no municipio ourensano de Coles ao volante dun vehículo malia non obter nunca o permiso de conducir.

Segundo informou o Instituto Armado, a toma de declaración produciuse ás 19,00 horas do pasado luns 12 de decembro, en calidade de investigada.

A muller R.M., de 38 anos de idade e veciña de Pontevedra, declarou como presunta autora dun delito contra a seguridade do tráfico, tras ser sorprendida no quilómetro 246 da estrada N-525 en Coles cando conducía un vehículo pese non obter nunca o permiso de conducir.