Retencións tras unha colisión entre tres vehículos en Padrón

Unha colisión na que se viron implicados tres vehículos en Padrón (A Coruña) provocou retencións no tráfico na estrada N-550, segundo informa o 112. O accidente produciuse sobre as 11,30 horas pouco despois da ponte de Pontecesures, e saldouse cunha persoa ferida, sinalan as mesmas fontes.

Un particular chamou ao 112 para pedir axuda e este pediu a colaboración dos profesionais de Urxencias Médicas, de membros do GES de Padrón e os axentes da Garda Civil de Tráfico.