O PP de Lugo lamenta a morte do exalcalde de Castro de Rei
O Partido Popular de Lugo lamentou “profundamente” o falecemento do exalcalde de Castro de Rei durante case dúas décadas e exdeputado provincial, Arturo Pereiro, ao que lle agradeceron a súa “entrega” ao servizo público.
Os populares eloxian o traballo realizado por Pereiro á fronte da Alcaldía de Castro e destacaron o “compromiso co benestar dos seus veciños” na localidade chairega”.
“Un labor que fixo extensible a toda a provincia a través da súa responsabilidade como deputado provincial”, agregou o PP de Lugo, que ve “admirable a entrega que Arturo Pereiro demostrou na defensa dos intereses chairegos e lucenses”.
O PP de Lugo tamén quixo trasladar as súas condolencias á familia polo falecemento dun “amigo que deixou a pel envorcado no servizo público”.