Catro persoas feridas nunha colisión en Sanxenxo

Catro persoas, entre elas un menor, resultaron feridas nun accidente de tráfico rexistrado ao colidir dous vehículos no termo municipal de Sanxenxo (Pontevedra). Segundo informou o CAE 112 Galicia, o sinistro produciuse sobre as 20,15 horas do luns na poboación de Vilalonga, na estrada que vai a Sanxenxo.

O 112 Galicia recibiu a alerta dunha persoa particular, tras o que alertou a Urxencias Sanitarias e aos Bombeiros do Salnés. Tamén se informou o GES de Sanxenxo, á Policía Local e á Guardia Civil de Tráfico.

En concreto, o 061 mobilizou dúas ambulancias asistenciais que levaron a tres persoas ao Hospital Domínguez, un menor, un varón duns 30 anos e unha muller de 33, segundo sinalaron fontes sanitarias.