Unha persoa ferido ao dar cinco voltas de campá co seu coche na A-6 en Becerreá

Unha persoa resultou ferida este venres nun accidente de tráfico rexistrado na A-6, ao seu paso por Becerreá (Lugo), segundo informa o 112. O vehículo no que viaxaba xunto a outras dúas persoas deu ata cinco voltas de campá, á altura do quilómetro 456, en sentido Lugo.

Un particular avisou ao 112 sobre as 12,20 horas e explicou que os tres ocupantes saíran polos seus propios medios do vehículo. O 112, pola súa banda, informou a Urxencias Médicas, bombeiros de Sarria e o GES de Becerreá, así como á Garda Civil de Tráfico.

O ferido foi trasladado a un centro sanitario. Mentres, o vehículo sinistrado quedou obstaculizando os dous carrís da autovía e sobre a calzada quedaron numerosos restos do accidente, polo que os efectivos encargados da conservación da vía traballan na súa limpeza.